ᐃᓄᖕᓄᑦ ᐱᓕᕆᐊᒃᓴᐃᑦ ᐃᖕᒥᓄᐃᓇᖅ ᑐᕌᓚᐅᖏᑦᑐᑦ. ᐊᖑᓇᓱᒃᑐᑦ ᐱᑕᖅᐸᑕ ᑐᓂᐅᖃᐃᓂᐊᖅᖢᑎᒃ ᐃᓚᐃᓇᕐᒥᓅᖏᑦᑐᑦ. ᐊᖑᓇᓱᒃᑐᖃᖏᑦᑐᑦ ᑐᓂᔭᐅᖄᕈᓇᖅᖢᑎᒃ. ᑕᒪᑯᐊ ᐊᑐᖅᑕᐅᓚᐅᖅᑐᑦ ᖃᑉᓗᓈᖅᑕᑦ ᐊᑐᐃᓇᐅᓗᐊᖄᖅᑎᓇᒋᑦ, ᐊᒥᑦ ᕿᓯᓪᓗ ᐊᑐᖅᑕᐅᓂᐊᖅᑐᑦ ᐊᓄᕌᓕᐊᖑᓗᑎᒃ ᐃᓚᓕᒫᒥᓄᑦ. ᐱᔨᑦᓯᕐᓂᖅ ᐊᔾᔨᒋᓐᖏᑦᑎᐊᖅᑕᖏᑦ ᖃᓪᓗᓈᑦ ᐃᓱᒪᒋᔭᖏᓐᓂᒃ ᐃᒻᒥᒍᑦ ᐱᓕᕆᔪᓐᓇᖅᓯᓂᖅ, ᑕᐃᑲᓂ ᓂᕆᐅᒋᔭᐅᕗᒍᑦ ᐱᓕᕆᔪᓐᓇᖅᓯᓗᑕ ᓇᖕᒥᓂᖅ ᐊᒻᒪᓗ ᐊᔪᓕᕈᑦᑕ ᐃᓕᖕᓂ ᑭᓯᐊᓂ ᐊᒻᒪᓗ ᑕᐃᒪᓐᓇ ᖃᐅᔨᓂᐊᖅᑐᑎᑦ ᐃᓄᑑᓗᑎᑦ. ᑕᐃᒪᓐᓇᐅᒐᓗᐊᕐᒪᑦ ᐃᓄᐃᑦ ᑕᐅᑦᑐᖏᓐᓂᑦ, ᐃᓚᒋᔭᐅᔪᑦ ᓄᓇᓕᖕᓂ ᐱᔭᒃᓴᒥᖕᓂᒃ ᐱᓕᕆᖃᑎᖃᓲᑦ ᑕᐃᒪᓗ ᓄᓇᖃᑎᒌᑦ ᑲᔪᖏᑦᑎᐊᕐᓂᐊᕐᒪᑕ ᐊᔪᖏᑦᑎᐊᕐᓂᐊᕐᒪᑕ. ᑭᖑᓂᑦᑎᓐᓂ ᐅᑯᐊ ᐱᔭᒃᓴᐃᑦ ᐃᓚᖃᓚᐅᖅᑐᑦ ᓂᕿᒃᓴᖃᕐᑎᑦᑎᓂᖅ ᐊᒻᒪᓗ ᓴᓇᖃᑕᐅᓗᑎᒃ ᐊᒻᒪᓗ ᑎᑭᐅᑎᓯᒪᕙᓚᐅᕐᒥᔪᑦ ᐃᓅᑉ ᐃᓕᖁᓯᕆᔭᖓᓄᑦ; ᑕᐃᒪᓗ ᑕᒪᕐᒥᒃ ᐃᓅᖃᑎᓂ ᐱᑦᑎᐊᕐᓗᒋᑦ ᓄᓇᓕᖕᓂ ᐊᒻᒪᓗ ᐃᒃᐱᒋᒃᑎᐊᕐᓗᒋᑦ ᐊᒻᒪᓗ ᐱᑦᑎᐊᖃᑦᑕᐅᑎᖃᑦᑕᕐᓗᑎᒃ ᑕᐃᒫᒃ ᐊᓯᑎᑦ ᐋᓐᓂᖅᑎᓂᐊᓐᖏᓐᓇᕕᒋᑦ. ᑕᒪᒃᑯᐊ ᐱᓕᕆᔾᔪᓰᑦ ᓲᕐᓗ ᐱᔨᑦᓯᕐᓂᖅ, ᖃᓄᐃᖏᑦᑎᐊᖁᓪᓗᒋᑦ ᓄᓇᓖᑦ ᑕᒪᐅᓐᓇ ᐃᑲᔪᖅᑎᒌᒡᓗᑎᒃ ᑕᒪᐃᓐᓄᑦ, ᐊᖑᓇᓱᒃᑎᑦ ᓂᕿᓴᖃᕐᑎᑦᑎᓪᓗᑎᒃ, ᑕᐅᓄᖓ ᓄᑕᖃᑦ ᓂᓚᒃᑕᖅᐸᒃᖢᑎᒃ ᐃᒥᒃᓴᓂᒃ.
ᑕᑯᒍᕕᒋᑦ ᐅᑯᐊ ᐊᔾᔨᖑᐊᑦ, ᑕᑯᓂᐊᖅᑐᑎᑦ ᐃᓚᖏᓐᓂᒃ ᐃᓪᓚᐅᑉ ᓄᓇᖓᓂ ᑐᓂᔭᐅᖃᑦᑕᖅᑐᑦ ᐊᒻᒪᓗ ᐱᔨᑦᑎᕋᖅᐸᒃᑐᑦ ᓄᓇᓕᖕᓂ. ᐊᔾᔨᖑᐊᑦ ᓲᕐᓗ N-1979-051: 1993 ᐹᓪ ᐅᓪᓚᑎᑕᖅ ᑎᒍᒥᐊᖅᑐᖅ ᑐᖁᖓᔪᒥᒃ ᓇᓄᕐᒥᒃ, ᐅᕝᕙᓘᓐᓃᑦ ᐊᔾᔨᖑᐊᖅ N-1979-051: 1873 ᕼᐅᕈᑎᐅ ᑲᓪᓗᒃ ᑲᐱᓯᓕᒑᔪᖅ ᐅᓈᕐᒥᒍᑦ ᓇᑦᑎᕐᒥᒃ, ᑕᑯᑎᑦᑎᔪᖅ ᐊᖑᑎᑦ ᐊᖑᓇᓱᓲᑦ ᓂᕐᔪᑎᓂᒃ ᓂᕿᒋᔭᐅᓂᐊᕐᒪᑕ ᓄᓇᖃᑎᖏᓐᓂᑦ, ᐅᖅᓱᕆᔭᐅᓗᓂ ᐅᖂᔾᔪᑕᐅᓂᐊᕐᒪᑦ, ᐊᒻᒪᓗ ᕿᓯᖏᑦ ᐊᓐᓄᕌᓕᐊᖑᓂᐊᕐᒪᑕ. ᐊᓯᖏᑦ ᐊᔾᔨᖑᐊᑦ ᓲᕐᓗ N-1979-051: 2066 ᕿᓚᒃ ᐊᒻᒪᓗ ᐊᓯᐊ ᐊᕐᓇᖅ ᓄᓇᖃᑎᖓ ᓴᕿᔮᖅᑎᑦᑎᔪᑦ ᕿᓯᖕᓂᒃ ᓴᓇᔭᖏᖅ ᐊᑐᖅᑕᐅᓂᐊᕐᒪᑕ ᐊᓐᓄᕌᓕᐊᖑᓗᑎᒃ ᓄᓇᓕᖕᓂ. ᑕᐃᒫᒃ ᐱᔨᑦᑎᕋᓲᑦ ᐊᒻᒪᓗ ᑐᓂᓯᓯᒪᓪᓗᓯᒃ ᓄᓇᓕᖕᓄᑦ ᖃᓄᑐᐃᓐᓇᖅ, ᐊᒻᒪᓗ ᑕᒪᓐᓇ ᐊᓯᕈᖅᓯᒪᓕᖅᑐᖅ ᐊᒻᒪᓗ ᐊᑐᖅᑕᐅᖔᖃᑦᑕᓕᕐᓂᖏᓐᓄᑦ ᐊᔾᔨᒌᓐᖏᑦᑐᑦ ᐱᖁᑎᑦ ᑕᑯᔭᐅᔪᓐᓇᖅᐳᑦ ᐊᔾᔨᖑᐊᖅ N-1979-051: 2082 ᕿᓚᒃ ᑎᒍᒥᐊᖅᑐᖅ ᑎᕆᒐᓂᐊᑉ ᐊᒥᖏᓐᓂᒃ ᑕᐅᖅᓰᓂᐊᖅᑕᒥᓕᒃ ᓂᐅᕕᖅᑎᒃᑯᓄᑦ. ᑕᐃᑲᓂ 1970ᓂ ᒪᒃᑯᒃᑐᑦ ᐃᓄᐃᑦ, ᐱᔨᑦᑎᕋᖅᑐᑦ ᓄᓇᒥᖕᓂᒃ ᑕᐃᒫᒃ ᓴᐳᓐᓂᐊᖅᑐᑦ ᐃᓄᖕᓂᒃ ᓄᓇᑖᕋᓱᒃᑐᓂᒃ ᐊᑐᖅᓯᓪᓗᑎᒃ ᖃᐅᔨᒪᓂᕐᒥᖕᓂᒃ ᖃᓪᓗᓈᑎᑐᑦ ᐊᒻᒪᓗ ᐃᓄᒃᑎᑐᑦ. ᑕᐃᒪᓗ ᑕᑯᔭᐅᒐᔭᖅᑐ ᐱᔭᕐᓂᕋᔭᓐᖏᓂᖓᓂ ᐅᖃᐅᓯᕆᓇᓱᒃᖢᒋᑦ ᐃᓱᒫᓘᑎᑦ ᑕᒪᐃᓐᓄᑦ ᓄᓇᓕᖕᓄᑦ, ᑐᑭᖃᑐᐃᓐᓇᖅᑐᖅ ᐱᔭᕐᓂᕆᔭᐅᓐᖏᑦᑐᑦ ᐊᒻᒪᓗ ᐊᒃᓱᕉᑕᐅᔪᑦ ᐋᕿᒃᑕᐅᖃᑦᑕᖅᑐᑦ ᐃᑲᔪᖅᑎᒌᒡᖢᑎᒃ ᓄᓇᓖᑦ. ᑕᐃᒪᓗ ᐃᓄᒃ ᐊᑕᐅᓯᖅ ᐊᔪᕈᓂ ᐱᓕᕆᔭᕆᐊᖃᖅᑐᓂᑦ, ᐱᑕᖃᐃᓐᓇᓲᖅ ᑭᓇᑐᐃᓐᓇᒥᒃ ᐊᑐᐃᓐᓇᐅᔪᖅ ᑖᔅᓱᒥᖓ ᐱᓕᕆᖔᕐᓂᐊᖅᑐᒥᒃ. ᐊᒻᒪᓗ ᐊᒃᓱᕈᕐᓇᖅᑐᑦ ᑲᑐᑎᔭᐅᓲᑦ, ᑕᐃᒪᓗᖅᑕᐅᖅ ᑲᔪᓯᑦᑎᐊᕐᑎᑦᑎᓂᖅ ᑲᑐᑎᔭᐅᓲᖅᑕᐅᖅ.
ᐅᑉᓗᒥ ᐃᓄᐃᑦ ᓄᓇᖏᓂ ᓱᓪᓕ ᐱᔨᑦᓯᕐᓂᖅ ᐊᑐᖅᑕᐅᕗᖅ. ᐃᓄᐃᑦ ᐊᖑᓇᓱᒃᑏᑦ ᐊᒥᖃᖃᑎᖃᖅᐳᑦ ᐱᑕᖅᑕᖏᓂᒃ, ᐊᒻᒪᓗ ᖃᐅᑕᒫᒃ ᐱᔭᒃᓴᐃᑦ ᓲᕐᓗ ᓂᓚᒃᑕᕐᓗᑎᒃ ᐅᕝᕙᓘᓐᓃᑦ ᐃᒥᖃᖅᑎᓪᓗᒋᑦ ᐃᓐᓇᐃᑦ ᐊᒻᒪᓗ ᐋᕿᒃᓱᐃᖃᑕᐅᓗᑎᒃ ᓄᓇᓕᖕᓂ ᑲᑎᖓᕕᐅᓂᐊᖅᑐᓂᒃ. ᑭᓯᐊᓂ ᐱᔨᑦᓯᕐᓂᖅ ᐱᓯᒪᔪᖅᑕᐅᖅ ᐊᑯᓂᐅᔪᒃᑯᑦ ᑐᕌᕆᓗᒍ ᐊᒥᓱᓄᑦ ᐃᓄᖕᓄᑦ ᐱᔭᒃᓴᕆᓂᐊᑕᖏᑦ ᐱᔨᑦᑎᕋᕐᓗᒋᑦ ᓄᓇᓕᒃᑎᒍᑦ ᐅᓇ ᐱᓕᕆᔾᔪᓯᐅᔪᖅ ᐃᓄᖕᓂᑦ ᓂᕈᐊᖅᑕᐅᓯᒪᔪᓂᑦ ᐱᐅᔪᓂᒃ ᐊᓯᕈᐃᔪᒪᔪᓂᑦ, ᐊᒻᒪᓗ ᐃᓄᐃᑦ ᐱᕚᓪᓕᖅᑎᓪᓗᒋᑦ ᐃᓕᓐᓂᐊᕐᑎᑦᑎᓂᕐᒧᑦ ᐅᕝᕙᓘᓃᑦ ᐱᔭᕇᐅᖅᓴᖅᑕᐅᓂᕐᒧᑦ ᐅᑎᕈᑎᒃ ᓄᓇᒥᖕᓄᑦ ᖃᓄᑐᐃᓐᓇᖅ ᐊᔪᒋᑕᒥᒍᑦ.