ᐃᓄᐃᑦ ᑕᐅᑐᒐᖓᑦ ᓄᓇᕐᔪᐊᕐᒥ ᐱᒻᒪᕆᐅᑎᑦᓯᓂᖅᓴᐅᖏᑦᑐᑦ ᐃᓄᐃᓗ ᓂᕐᔪᑎᓪᓗ ᑕᒪᕐᒥᑦ ᑲᒪᒋᑦᓯᐊᕆᐊᓖᑦ. ᐊᔾᔨᒋᓐᖏᑕᖓᓂᒃ ᖃᓪᓗᓈᑦ ᐃᓱᒪᔾᔪᓯᖓᒍᑦ, ᐃᓄᐃᑦ ᐅᒃᐱᕈᓱᒃᐳᑦ ᑕᒪᒃᑯᐊ ᐃᓄᐃᑦ ᐱᔪᓐᓇᕐᓂᖃᓐᖏᑦᑐᑦ ᑕᒪᒃᑭᖅᓯᑦᑎᐊᕐᓗᑎᒃ ᓄᖒᑦᑎᓗᑎᒃ ᐱᓗᑎᒃ ᐅᕝᕙᓘᓐᓃᑦ ᐃᓱᒪᖅᓲᑎᒋᓗᒍ ᓄᓇᒥ ᓄᓇᕐᔪᐊᕗᑦ. ᑭᓯᐊᓂᓕ, ᐃᓄᐃᑦ ᐅᒃᐱᕈᓱᒃᑐᑦ ᑕᐃᒫᒃ ᐱᔭᒃᓴᖃᖅᑐᐃᓐᓇᐅᕗᒍᑦ ᐸᕿᑦᑎᐊᕐᓗᑕ ᐊᒻᒪᓗ ᐃᒃᐱᒋᑦᑎᐊᕐᓗᒍ ᐊᕙᑎ ᐊᒻᒪᓗ ᐱᔪᓐᓇᕐᓂᖃᖅᑐᑦ ᑕᒪᕐᒥᒃ ᐆᒪᔪᓕᒫᑦ ᑖᒃᑯᐊ ᓄᓇᕐᔪᐊᒦᖃᑎᒋᔭᕗᑦ. ᐃᓱᒪᒋᔭᐅᓯᒪᕗᖅ ᑕᐃᒫᒃ ᒪᓕᑦᑎᐊᕈᓂ ᐊᕙᑎᑦᑎᓂᒃ ᑲᒪᑦᓯᐊᕐᓂᖅ ᐊᒻᒪᓗ ᐸᕿᑦᑎᐊᕐᓗᒍ ᓄᓇ, ᓄᓇᓄ ᐸᕿᑦᑎᐊᕐᓂᐊᖅᑐᖅ ᐃᓕᖕᓂᒃ ᑐᓂᓯᓯᒪᓗᓂ ᓂᕐᔪᑎᓂᒃ ᐊᒻᒪᓗ ᐃᑲᔫᑎᓂᒃ ᐆᒪᔾᔪᑎᒃᓴᓄᑦ. ᑕᐃᒫᒃ, ᓂᕐᔪᑏᑦ ᐱᑦᑎᐊᖃᑦᑕᓐᖏᒃᑯᕕᒋᑦ ᐅᕝᕙᓘᓐᓃᑦ ᐃᒃᓯᓇᑐᐃᓐᓇᖃᑦᑕᕈᕕᒋᑦ ᐃᒋᑐᐃᓐᓇᖃᑦᑕᕈᕕᒋᑦ, ᓵᑦᑎᓯᒪᔪᓐᓇᖅᑐᑎᑦ ᑲᑉᐱᐊᓇᖅᑐᒻᒪᕆᖕᒥᒃ ᓇᖕᒥᓂ ᑕᐃᒪᓐᓇᐃᑎᑦᑎᓂᕐᓄᑦ. ᐱᒻᒪᕆᐅᕗᖅ ᐊᑐᖅᑕᐅᒋᐊᓕᑦ ᐊᑖᒍᑦ ᑖᒃᑯᐊ ᑐᓐᖓᔾᔪᑎᑦ ᐃᓚᖃᖅᑐᑦ ᕿᒪᒃᓗᒍ ᓄᓇ ᐱᐅᓂᖅᓴᐅᓗᒍ ᐅᐸᓚᐅᖅᑕᕐᓂᑦ, ᐱᑐᐃᓐᓇᕐᓗᑎᒃ ᓈᒻᒪᒪᑐᐃᓐᓇᖅᑐᓂᒃ ᐊᑕᐅᓯᕐᒧᑦ ᐃᓚᒌᓄᑦ ᓈᒻᒪᒃᑐᒥᒃ, ᑕᑯᑎᑦᑎᓗᑎᑦ ᐃᒃᐱᒍᓱᑦᑎᐊᕐᓂᕐᓂᒃ ᓂᕐᔪᑎᓂᒃ ᑐᖁᖓᓕᕋᓗᐊᖅᑎᓪᓗᒋᓪᓗ, ᐊᒻᒪᓗ ᐊᑐᖅᑕᐃᓐᓇᕆᓗᒍ ᑕᒪᕐᒥᒃ ᐊᖑᔭᐃᑦ. ᐆᒃᑑᑎᒋᓪᓗᒍ ᐃᓄᒃ ᐱᓕᕆᓲᖅ ᐃᒃᐱᒍᓱᑦᑎᐊᕋᒥ ᓂᕐᔪᑎᓂᒃ ᑐᖁᖓᓕᕋᓗᐊᖅᑎᓪᓗᒋᑦ ᐊᑐᖅᑕᐅᓲᖅᑕᐅᖅ ᐊᐅᒃᑎᑦᑎᓂᖅ ᓇᑦᑎᐊᑉ ᖃᓂᐊᓄᑦ ᓇᑦᑎᖅᑕᒥ; ᑕᐃᒫᒃ ᖁᔭᓕᒋᑎᒋᔪᖅ, ᑕᐃᒪᓗ ᐅᒃᐱᕈᓱᒃᑐᖅ ᑕᒪᑐᒪ ᓇᑦᑎᐅᑉ ᑕᕐᓂᖓ ᐃᒥᕈᓕᕐᓂᐊᓐᖏᒻᒪᑦ ᐃᓅᓯᕆᓂᐊᖅᑕᖓᓂ.  

ᑕᑯᓐᓇᕈᕕᒋᑦ ᐅᑯᐊ ᐊᔾᔨᖑᐊᑦ, ᑕᑯᓂᐊᖅᑐᑎᑦ ᐃᓄᐃᑦ ᐃᓪᓚᐅᑉ ᓄᓇᖓᓂ ᑕᑯᑎᑦᑎᔪᑦ ᐃᒃᐱᒍᓱᑦᑎᐊᕐᓂᕐᒥᒃ ᐊᒻᒪᓗ ᐸᕿᑦᑎᐊᕐᓂᕐᒥᒃ ᓂᕐᔪᑎᓂᒃ ᐊᒻᒪᓗ ᓄᓇᒥᒃ ᐊᑐᖅᑐᑦ ᐊᑐᖅᑕᐃᓐᓇᑦᑎᐊᕆᓪᓗᒍ ᑕᒪᕐᒥᒃ ᓂᕐᔪᑎ,˙ᑕᒃᑯᐊᓗ ᐃᓇᓗᐊᖏᑦ, ᓴᕿᔮᖅᑐᖅ ᐊᔾᔨᖑᐊᒥ N-1979-051: 1935 ᑕᑯᑎᑦᑎᔪᖅ ᐊᖑᓇᓱᒃᑎ ᐲᖅᓯᔪᖅ ᐊᐃᕕᐅᑉ ᐃᓇᓗᐊᖏᓐᓂᒃ ᓂᕆ.ᐅᓂᐊᖅᑐᑦ ᐅᕝᕙᓘᓐᓃᑦ ᐊᑐᖅᑕᐅᓂᐊᖅᑐᑦ, ᐊᒻᒪᓗ ᑲᐅᖓ (N-1979-051: 1997), (N-1979-051: 2066). ᐃᒻᒪᖄ ᑭᓯᐊᓂ ᑕᑯᑎᑦᑎᔪᓐᓇᑦᑎᐊᖅᑐᒍᑦ ᖃᓂᒌᒻᒪᕆᐅᓚᐅᕐᓂᖓ ᐃᓚᒌᒍᓯᖏᑦ ᐊᕙᑖᓂᑦ ᐃᓄᐃᑦ ᐊᒻᒪᓗ ᓯᓚᕐᔪᐊᖅ ᑕᑯᕙᓯ ᐃᓚᒌᒍᓯᖏᑦ ᕿᒻᒥᖕᒥᖕᓄᑦ ᑕᑯᒃᓴᐅᔪᑦ ᐊᔾᔨᖑᐊᓂ ᐅᕙᓂ N-1979-051: 1877, N-1979-051: 2023, ᐊᒻᒪᓗ N-1979-051: 2027. ᕿᒻᒦᑦ ᐊᔪᖏᑎᑦᑎᓚᐅᖅᑐᑦ ᐊᕗᖔᓘᖅᑎᑦᑎᔪᓐᓇᖅᖢᑎᒃ ᐃᓄᖕᓂᒃ ᐊᖑᓇᓱᒋᐊᖅᖢᑎᒃ ᐊᒻᒪᓗ ᐊᖏᕐᕋᐅᔨᕙᒃᖢᑎᒃ ᐱᖅᓯᖅᑐᐋᓘᒐᓗᐊᕐᒥ. ᖃᐅᔨᒪᑦᑎᐊᓚᐅᖅᑐᑦ ᐊᖑᓇᓱᒃᑎᑦ ᐊᑦᑕᕐᓇᖅᑐᒦᓕᖁᓇᒋᑦ ᖃᐅᔨᑎᑦᑎᖃᑦᑕᖅᖢᑎᒃ ᐊᓯᖏᓐᓂᒃ ᓂᕐᔪᑎᑕᖃᓕᕌᖓᑦ ᑖᒃᑯᐊ ᕿᒻᒦᑦ ᓇᐃᓴᕋᐃᑦᑐᑯᓘᖕᒪᑕ ᐊᒻᒪᓗ ᒪᓕᑦᑎᐊᓲᖑᖕᒪᑕ ᐊᖓᔪᖅᑖᒥᖕᓂᒃ. ᐳᓖᓯᒃᑯᑦ ᑐᖁᕋᐃᓯᒪᔪᑦ ᐃᓄᐃᑦ ᕿᒻᒥᖏᓐᓂᒃ ᐊᕙᑖᓂ 1950ᓂ ᐊᒻᒪᓗ 60ᓂ, ᐊᑐᖅᓯᑎᑦᑎᓚᐅᖅᑐᖅ ᐅᓗᕆᐊᓇᖅᑐᑰᖅᑎᑦᑎᓪᓗᑎᒃ ᐃᓚᒌᒍᓯᖏᓐᓂᒃ ᐃᓄᐃᑦ ᐊᒻᒪᓗ ᐊᕙᑎ. ᑐᖁᕋᑦᑕᐅᖕᒪᑕ ᕿᒻᒥᖏᑦ ᐊᐅᓪᓚᕈᓐᓇᐃᓕᑎᑕᐅᓚᐅᖅᑐᑦ ᐃᐱᖅᑕᐅᓪᓗᑎᒃ ᒐᕙᒪᒃᑯᑦ ᓄᓇᓕᖁᑎᖏᓐᓂ, ᐊᔪᓕᖅᑎᑕᐅᑦᑎᐊᓚᐅᖅᑐᑦ ᐃᓱᒪᖅᓱᕐᓗᑎᒃ ᐊᐅᓪᓚᖃᑦᑕᕆᐊᒃᓴᖅ ᓄᓇᒧᑦ ᐊᒻᒪᓗ ᐊᖑᓇᓱᒃᓗᑎᒃ; ᐊᒻᒪᓗ ᐊᒃᑐᐃᓚᐅᖅᑐᖅ ᓄᓇᒥᒃ-ᐱᓯᒪᔪᓂᒃ ᖃᐅᔨᒪᓂᖅ ᐊᒻᒪᓗ ᓴᓇᔪᓐᓇᖅᓯᑎᑦᑎᔭᕆᐊᒃᓴᖅ ᒪᒃᑯᒃᑐᓂᑦ.

ᐅᓪᓗᒥ, ᐃᓄᐃᑦ ᑲᔪᓯᔪᒥᒃ ᑲᔪᖏᖅᓴᐃᕗᑦ ᓄᖒᑦᑎᕙᓪᓕᐊᓐᖏᓪᓗᑎᒃ ᐊᖑᓇᓱᖕᓂᖅ ᐊᒻᒪᓗ ᓄᓇᐃᑦ ᐊᑐᖅᑕᐅᔾᔪᓯᖏᑦ. ᐅᑯᐊ ᐊᖏᔪᒥᒃ ᐱᓕᕆᔾᔪᓯᑦ ᐊᑐᖅᑕᐅᔪᑦ ᐊᕙᑎᑦᑎᓂᒃ ᑲᒪᑦᓯᐊᕐᓂᖅ ᐊᒃᓱᕈᕐᓇᖅᑐᒦᓕᖅᐸᓪᓕᐊᓗᑎᒃ ᓵᓯᒪᔭᖓᑦ ᓱᑲᔪᖅ ᐊᓯᕈᖅᐸᓪᓕᐊᔪᖅ ᓯᓚᐅᑉ ᐅᖂᓂᖓ. ᐱᔾᔪᑎᒋᓪᓗᒍ ᖃᓂᒌᑦᑎᐊᖑᓚᐅᕐᒪᑕ ᐃᓚᒌᒍᖏᑦ ᓄᓇᒧᑦ ᐊᒻᒪᓗ ᖃᐅᔨᒪᑦᑎᐊᖅᖢᒍ ᐊᕙᑎ, ᐃᓄᐃᑦ ᖃᐅᔨᓴᕋᐃᓚᐅᖅᑐᑦ ᓱᒃᑲᓂᖓᓂ ᑕᕈᖅ ᓯᑯᐊ ᐊᒻᒪᓗ ᐊᓯᕈᖅᐸᓪᓕᐊᔪᑦ ᓯᓚ ᖃᓄᐃᓕᖓᕙᓕᕐᓂᖓ. ᑕᐃᒪᓗᒪ ᐃᓄᐃᑦ ᐱᒻᒪᕆᐅᔪᒥᒃ ᐃᓂᖃᖅᑐᑦ ᖃᐅᔨᒪᑎᑦᑎᓗᑎᒃ ᑕᒪᐃᓐᓂᒃ ᓯᓚᕐᔪᐊᒥ ᐊᒃᑐᐃᓂᖓᓂ ᓯᓚᐅᑉ ᐅᖂᓯᕙᓪᓕᐊᓂᖓ ᐊᓯᕈᖅᑐᖅ ᑕᒪᓐᓇ ᑲᔪᓯᖕᒪᑦ ᐅᓗᕆᐊᓇᖅᑑᓪᓗᓂ ᓄᓇᒧᑦ ᐊᒻᒪᓗ ᓂᕐᔪᑎᑦ ᐃᓚᖏᑦᑎᐊᖅᑕᖏᑦ ᐃᓄᐃᑦ ᐊᒻᒪᓗ ᐃᓅᓯᖏᓐᓄᑦ ᐊᑕᔪᑦ. ᑕᐃᒪᓗ, ᑐᓐᖓᔪᑎᖓ ᐊᕙᑎᑦᑎᓂᒃ ᑲᒪᑦᓯᐊᕐᓂᖅ ᑕᑯᑎᑦᑎᓯᒪᕗᖅ ᐊᑑᑎᖃᖅᑐᓂᒃ ᐱᓕᕆᔾᔪᓯᖃᕈᓐᓇᕋᑦᑕ ᐃᓄᐃᑦ ᓯᕗᓂᕕᓂᖏᑦᑎᑐᑦ ᐊᒻᒪᓗ ᐊᑑᑎᖃᖅᑐᑦ ᓴᓇᕐᕕᑎᖏᑦ ᐊᑐᕐᓗᒋᑦ ᐋᕿᒃᐸᓪᓕᐊᔾᔪᑎᒃᓴᐃᑦ ᓯᓚᐅᑉ ᐅᖂᓯᕙᓪᓕᐊᓂᖓᑕ ᐊᓯᕈᕐᓂᖓ ᒫᓐᓇᐅᔪᖅ.